सोलापूर | प्रतिनिधी
जिद्द, आत्मविश्वास आणि कर्तृत्वाच्या जोरावर कोणतीही अडचण मात करू शकत नाही, याचे प्रेरणादायी उदाहरण सोलापूर शहरात पाहायला मिळत आहे. दोन्ही हात नसतानाही एक महिला आपल्या पायांचाच वापर करून दैनंदिन सर्व कामे करत असून, सोलापूर महानगरपालिकेत प्रामाणिकपणे सेवा बजावत आहेत.
लेखन, कागदपत्रांची कामे तसेच दैनंदिन व्यवहार पायांच्या सहाय्याने करत त्या स्वावलंबी जीवन जगत आहेत. कोणत्याही परिस्थितीसमोर हार न मानता त्यांनी स्वतःच्या कर्तृत्वाने समाजासमोर प्रेरणेचा आदर्श निर्माण केला आहे.
त्यांच्या जिद्द, चिकाटी आणि कर्तव्यनिष्ठेचे सर्व स्तरांतून कौतुक होत असून, अनेकांसाठी त्या प्रेरणास्थान ठरत आहेत. प्रतिकूल परिस्थितीवर मात करून स्वाभिमानाने जीवन जगण्याचा त्यांचा संदेश प्रत्येकासाठी प्रेरणादायी आहे
